Category Archives: Barnehage

Kunnskapsministeren: -Antimobbearbeidet har ikkje fungert godt nok

– Vi veit i sum at antimobbearbeidet ikkje har fungert godt nok. Det er farleg å seia at «her er det ikkje mobbing». Dette er eit kontinuerleg arbeid som aldri må stoppa, sa kunnskapsminister Torbjørn Røe Isaksen då han fekk ordet på fagkonferansen i Sotra Arena «Saman mot mobbing» torsdag føremiddag.

Her kan du sjå video og bilete frå fagkonferansen.

Foreldremobilisering mot mobbing

Godt over tusen foreldre frå Sund, Fjell og Øygarden troppa opp i Sotra Arena onsdag kveld for å få med seg Bruk Hue-foredrag og panelsamtalar om temaet var mobbing. I løpet av onsdag og torsdag samlast opp mot fem tusen elevar, foreldre og andre interesserte til storsamlingar og konferanse i «Saman mot mobbing».

Her kan du lesa og sjå bilete frå kveldsarrangementet «Saman mot mobbing».

Storsamlingane «Saman mot mobbing» er i gang

Ole Roger Vestøyl i Bruk Hue fekk god kontakt med dei 1 100 sjette- og sjuandeklassingane som var samla i Sotra Arena klokka halv ti i dag. Seinare på dagen kom 1 600 ungdomsskuleeler og fekk møta både Ole frå Bruk Hue og Kjetil Hasselberg frå Kjetil og Kjartans tips mot mobbing.

På desse to samlingane i regi av Trygg i Fjell i dag har 2 800 elevar fått med seg god lærdom om dette viktige temaet. I morgon er det fagkonferanse der mellom anna kunnskapsministeren kjem.

Her finn du meir informasjon om storsamlingane.

Saman mot mobbing – arrangement 15. og 16. februar

trygg_i_fjell_logoTRYGG I FJELL inviterer til to dagar SAMAN MOT MOBBING.

16. FEBRUAR 2017 – KL 08.30 TIL 15.00 – SOTRA ARENA
Med bl.a.: Kunnskapsminister Torbjørn Røe Isaksen, Rosa Kompetanse, Ingrid Lund og Tove Flack.
Her finn du meir informasjon og påmelding

15.FEBRUAR 2017 – KL 18.00 til 20.00
BRUK HUE og PANELSAMTALAR
for foreldre og tilsette i barnehage og skule i Fjell, Sund og Øygarden

I tillegg er det to elevarrangement på dagtid 15.februar for 6. og 7. trinn og ungdomstrinnet.

Etablerer beredskapsteam for psykososialt arbeid

Her er fem medlemer i beredskapsteamet og ordførar Marianne Sandahl Bjorøy som også var til stades då teamet vart presentert. Frå venstre; Jogeir Sognnæs, Marianne Gjerstad, Guttorm Helgøy, Jorunn Tyldum, Ingvar Landa og ordføraren. Gjertrud Ekerhovd (kommunepsykolog), Lovise Armond (helsesøster) og Merete Nilssen (PPT) var ikkje til stades ved presentasjonen av beredskapsteamet.
Frå venstre; Jogeir Sognnæs, Marianne Gjerstad, Guttorm Helgøy, Jorunn Tyldum, Ingvar Landa og ordførar Marianne Sandahl Bjorøy. Gjertrud Ekerhovd (kommunepsykolog), Louise Armond (helsesøster) og Merete Nilssen (PPT) var ikkje til stades ved presentasjonen av beredskapsteamet.

Med verknad frå første april vert det etablert beredskapsteam for psykososialt arbeid i Fjell kommune.

Fire av dei sju medlemane var til stades då beredskapsteamet vart presentert for Vestnytt. Ordførar Marianne Sandahl Bjorøy var også til stades for å høyre om beredskapsteamet og TRYGG I FJELL-arbeidet.

Dette teamet skal retta arbeidet inn mot barnehagar og skular i Fjell og vera tilgjengeleg for direkte oppfølging av mobbesaker i samarbeid med skule og barnehage. Utvalet er samansett av rettleiarteam skule, rettleiarteam barnehage, kommunepsykolog, helsesøster og PPT (pedagogisk-psykologisk teneste).
Continue reading